YOUTUBE_MONETIZATION
Youtube Monetization On karne ke liye 1000 Subscribers aur 4000 Ghante Kaise Poora Karein ?

BEST WAYS TO MONETIZE YOUR YOUTUBE EASILY GAINING 1000 SUBSCRIBERS AND 4000 HOURS WATCHTIME

Hello Dosto kaise ho main Manish aapka techy dost , Aaj aapko bataunga Youtube Monetization On karne ke liye 1000 Subscribers aur 4000 Ghante Kaise Poora Karein ? Isko Aap dhyan Se padhiyega aur ispe amal kijiyega aapka youtube aasani se monetize ho jayega.To chaliye Step by Step Shuru aapko batata hoon aapko kya karna hoga
TO CHALIYE SHURU KRTE HAIN

Logo ke Dil Se connect karo( Human Emotion) :

Dosto yeh factor ek aisa factor hain jise aapne samajh liya to koi cheez muskil nahi hain , aapko samajhna hoga Aap jin logo ko subscriber bol rahe ho woh actually “zinda Log ” hain jinme feelings hain , aapko yeh samjhna hoga ki main khud agar kisi channel ko subscribe karunga to kyu karunga ,mujhe usmein kya behtar lagta hain aur kya fayda , knowledge , ya entertainment aur kya mujhe us channel se prapt hota hain , agar aap yeh samajh gaye to 1000 subscriber nahi aap 1 million subscribers bhi poore kar sakenge aur woh bhi badi aasani se . Kehne ka matlab logo ki bhavnao ko samjo aur videos banao

Aflatoon Videos Banaye ( Excellent Content in Videos )

Aapne bahot saari aisi YouTube channels dekhi hogi jismain 200 se 300 videos hain ,kayi channels pe 1000 video bhi hain phir bhi Subscriber 100 bhi nahi , iska mukhya karan hain uska content , ab aap poochenge content kaise ,yaar simple hain woh videos to daal rhe hain lekin Content unka zero hain , video dekhne wale ko maza nahi aa rha to woh kyu subscribe karega aur kyu video dekhega , aur YouTube hamesha yehi chahta hain jo bhi creator youtube se jude woh content de , originality de Videos main , tabhi to video dekhne wale ko maza aayega .Aap chahe koi bhi subject pe video bana rahe ho mera kehna hain sirf 2 videos banao lekin aise banane ki koshish karo jaisa aajtak kisi aur ne na banaya ho , believe karo dosto jo bhi video dekhega woh like , share , subscribe kare bina reh nahi payega

Jabardast Channel Introduction Video Banaye

Dosto kayi log yehi pe maar kha jate hain channel ko jo introduction hota hain usey ya to banate hi nahi ya phir bahot lamba introduction aur bekaar bana dete hain , kehne ka matlab jaldbaji main bana dete hain aur introduction ki jo theme hain woh video ke content se bilkul match nahi karti , Ek Channel introduction main Channel ka Logo video se lekar Subscriber ,like , Share details aa jata hain , aap try kijiye poora 2 ~3 din dene ki ise banane main , agar aapko nahi samajh aa rha hain to Google kijiye , youtube videos dekhiye saari information internet par maujood hain , aap choti choti cheezo par badi gehrai se kaam kijiye , introduction aisa banaye ki dekhne wala dekhta reh jaye aur video dekhne ki uski utsukta badh jaye
Subscribe ,Like aur Share Button ke baarein Main Viewers ko Bataye
Dosto Aap ne YouTube ki duniya main naya kadam rakha hain aur apna 1st video daala hain youtube par , aapko kya karna hoga , aapko har video ke  Start main ek introduction main kehna hoga ”  Aap  mere Channel ko Subscribe kijiye ,Video Ko like kijiye aur Share kijiye aur Ghanta yane Notification button ko dabaiye jisse aapko mera har video dekhne ko mile sabse pehel ” Yeh cheez jab log baar baar aapke video main dekhenge to woh kabhi na kabhi woh is cheez ko jaroor kardega. Ho sake to channel introduction ke baad aap isey turant bole apni awaaz main aur video ke end main bhi bole lekin yaad rahe yeh cheez ko aapko lamba nahi khichna hain ,matlab channel introduction sirf kuch seconds main khatam hona chahiye

Youtube Creator Video ko Gyan Prapt Kijiye

Dosto video upload karna hum sabhi ko aata hain , lekin video ko kaise optimise kare yeh sikhna bhi bahot zaruri hain. Aapne video sirf upload kar diya to kuch nahi hoga , pehle aap apne Youtube creator studio ko acchi tarah se optimise kar lijiye jiske liye bahot saari videos already youtube par daali gayi hain , aap un channels par jaaye aur poori details ko samjhe kaise aap creator studio ki madad se bahut sari acchi cheeze kr skte he

Apne Sabse acche video ka Paid Promotion kare

Ab jab aap jante hi hain video aane bahot accha banaya hain aur uski aapke dosto ne bhi jamkar tarif ki hain aur kucch 300-400 views youtube se bhi aa gaye hain lekin video ko jaise views milne chahiye the vaise nahi mile hai to dosto phir der kis baat ki thoda paisa kharch kijiye Youtube video promotion ke liye , ek baar aapka video viral ho gaya to log usey like ,share aur aapke channel ko subscribe jaroor karenge aur aapke next video ka unhe betabi se intezaar rahega , bas aap to lag jaiye dil lagake baaki agar aap mehnat karenge khud bhagwan bhi aapko safal hone se nahi rok sakta

YOUTUBE_MONETIZATION_SYMBOL
Youtube Monetization On karne ke liye 1000 Subscribers aur 4000 Ghante Kaise Poora Karein ?

Social Media ka Jamke Use Kijiye

Ab Jab aapko pata hain aapne video to behtarin bana daali hain aur aapke paas Facebook , Twitter ,Instagram aur kayi social media par accha khasa follower and friends base hain , to ek aakarshak title ke saath usey share kijiye

Facebook par promotion:

Dosto Facebook main pehle aap jis topic par video bana rahe hain us type ke sabhi group join kar lijiye aur sabhi groups main share kar dijiye ,aur iske alawa apne khaas 50 friends ko post main Tag kar dijiye aur unhe kahiye aapki video woh log dusro ke saath share kare aur aapki post ko like karna na bhule ,yaha aapko chappar faad promotion milega
Khudka facebook page create kar lijiye jis naam se aapki channel ho aur us page ko viral kijiye , koshish kijiye us page ko zyada se zyada log like karey aur follow kare ,jisse aapke video ko dekhne walo ki sankhya badhegi

Instagram par Promotion

Instagram par story share kijiye yeh bolkar ” Meri Nayi Video aane wali hain ya Yeh hain Video ki Link ”

Twitter par Promotion

Twitter pe aapki following ka istemaal kijiye aapke video ki link video ke topic ke saath #Topic search krke share kijiye ,jisse us topic par agar koi search kar rha hain to woh aapke video ko dekh sake ,lekin yaad rahe Spam nahi karna hain matlab baar baar nahi krna hain ,jisse aapki following kam ho sakti hain ,isi tarah se aap sabhi social medias ka istemaal kijiye

Agar aapka video kuch sikhata hain ya knowledge deta hai to Quora jaisa platform aapke bahot kaam aa sakta hain , waha pooche jaane wale topic ke answer aap apni video ki link ke roop main de sakte hain ..

Youtube Channel Name

Aapki Channel ka naam aisa hona chahiye jo ek baar dekhle aapki video woh aapke channel ko na bhule , matlab bahot sare channel ek hi naam se bane hote hain , to aapko kya karna hain aapko kuch alag naam dena hain jo search krte hi youtube results main top par aajaye aur aisi koi channel dikhe hi nahi youtube platform par.

Youtube Channel Description

Apke youtube channel description vibhag main aapko channel ke baarein main detail main batana hain channel kis barein main hain aur is channel se logo ko kya milne wala hai. ,matlab entertainment , knowledge , skills etc. 

Apni social media ki links ,google plus etc ki links aapko channel mai daal deni hai. Aur kuch aisa likhna hai ki aapke channel ki description padhne ke baad aapke viewers subscribe krne pe majboor ho jaye ya unhe lage banda ya bandi sacchai se kuch video ke jariye dena chahata hain.

Copyright Video Rules by Youtube

Youtube ke copyright aur spam aur deceptive policies ke baarein main padhna na bhule , kabhi bhi video kisi aur ka istemaal na kare ,khud ka original content hi upload kijiye.
~Jaise Aslil videos
~ Galat cheeze na sikhaye
~ kisi bacche ka soshan hota hua video na dale
~ Galat Tags , Titles aur Thumbnail use na karein
To Dosto aapko Patience ke saath Kaam Karn hain aur agar aap dhiraj nahi rakhenge ro safal kabhi nahi ho sakenge , yeh sirf youtube nahi koi bhi field main chale jaye yeh aapko samajhna hoga aap 1 din main safal nahi hone wale aapko khoon pasina ek karke kaam karna hoga , yeh sab upri baatein follow karne par bhi ho sakta hain aapko saflta nahi mil rhi ho ya nake barabar mil rhi ho ,lekin agar aap apna kaam krte chale gaye ek din aasman main Sooraj ki tarah Chamak jayenge , sirf apni mehnat par viswas rakhe sab hoga jo aap chahte hain. Mehnat krte chale jaye bas..
Dosto itni cheeze follow krle aur aapke youtube monetization ko ON hone se swayam bhagwan /God / allah bhi nahi rok sakenge ,kyuki woh bhi yehi chahte hai aap mehnat kare aur safal ban jaye..
Aapka Dost Manish, Agar Aapko meri batayi gayi baato se kuch gyan mila ho to mere blog ko follow avashya karein aur jyada se jyada aise logo ko share karein jo khud is jaddojahad main lage huye hain lekin unke paas koi rasta ya guidance nahi hain….

Dhanyawad Dosto

Leave a Reply

Close Menu
error: Content is protected !!