Niche Website Kya Hoti hai?: Niche Selection kaise kare?

Niche website Kya Hoti hain. Chaliye jante hain iske har ek pehlu ko. Internet Ki duniya main Google ki riyasat sabse badi hai. Jaise hamari dharti poore brahmand main ek chota sa gola hain. Aise hi aap jante hain, internet pe aapko lakho websites daily banti hai. Har ek website Google pe search ki jaati hain. Itna hi nahi har ek website ki apni apni category hoti hai. Koi website hamein Khane pine ki recipe deti hain. Aur koi website hamein Motorcycle ka price dikhati hain. Flipkart aur Amazon jaise website hamein, online cheeze kharidne ka option deti hai.

Niche Website Kya Hoti hai Niche Selection kaise kare
Niche Website Kya Hoti hai ? – Niche Selection kaise kare?

Niche Website Kya Hoti hai

Lekin ab jamana aa gaya hain Niche Website ka jisme aap apni website par koi bhi ek product ko select kar sakte hain aur us par website bana sakte hain.

Udahran: Man lijiye aap Camera Expert hain, aur aapko duniya ke sabhi latest aur purane camera ki jankari hain, to ab aapko kya karna hain, ek website banani hain.

Niche Website Ke Important Points:

A)Niche Topic Selection:

Jaise maine aapko bataya hain , Camera as a topic. Ab aapki expertise kisme hain, woh aapko select karna hain. Example, Car, Handicrafts, Film review, Electronics items jaise TV, Laptop, Internet Router, Kitchen Equipments, Automobile Review website. Apka topic ya niche kuch bhi ho sakta hain. bas aapko dhyan rakhna hain, jo bhi Niche ya topic select karte hain, sirf use ke baarein main “BLOG LIKHNA HAIN”.

B) Domain Selection:

Ab jab aapne CAMERA ko as Niche, select kar liya hain, to ab aapko, domain select karna hain, jiska domain name me Camera Word aana chahiye. Jaise https://www.Camerawale.com athva www.cameradekho.com. Aise hi aapko camera word aapke domain main include hona chahiye.

AVASHYA PADHIYE: FIVE BEST NICHE BLOGGER TEMPLATE

C) Category Selection:

Isme aapko category select karni hain jaise Old Cameras, New Cameras, Cameras As per year, Latest Cameras, Cameras for movie making, Cameras for photography, etc, aise sabhi jitne jyada se jyada menu ban sakte hain, waise aapko category bana deni hain. Aur yaad rahe agar aap wordpress use kar rhe to yoast SEO ka use karke category ko seo karna na bhule. Category wahi hoti hain, jise aap Main Menu main use karte hain, navigation ke liye. Jisme jis prakaar ki category hain,usi prakaar ki post link ho jayegi aapke TAG ke anusaar.

D) Sub Category Selection:

Isme aapko kya karna hain, alag alag category main aapko sub category bana dena hain. Iske hisaab se agar aap Videography Camera ko as Category select kar rhe hain to aap sub category main sabhi companies ke jaise sony, samsung, panasonic ke videography main use hone wale camera ke bare main batana hain. Jaise sub category banani hain, Sony Video camera, Panasonic Camera, Kodak Camera etc.

AVASHYA PADHE: WEB HOSTING KYA HAI?

E) Blogging Ka Topic:

Jaise hum upar diye gaye sabhi topic ko acche se samajh ke usko implement kar dete hain, aapko Blogging ka Topic bhi aisa select karna hain, jisme aap apne NICHE ka keyword Title main aana chahiye, Jaise Best Sony Cameras for Film Shooting Of 2019 ya hindi main likhte hain to Film Shooting Ke Liye 2019 ke Best Sony Cameras. Title main aapke niche ka topic aana jaruri hain, aur aisa honna chahiye koi jab Google main search kare to aapki TITLE, URL, SUB HEADINGS etc aana chahiye.

F) Niche Topic Detail Main Cover Kare

Maan lete hain aapka topic hain – “Film Shooting Ke Liye 2019 ke Best Sony Cameras“. Ab apko jut jaana hain maximum detail is topic par ikhatta karne ke liye. Apko is topic par sabhi points cover karna hai. A to Z details aapke single blog main cover ho jani chahiye, jisse google ko andesha lag jaye ki agar reader ya google user ko is topic par detail chahiye to woh sirf aapki blog post ko suggest kare. Matlab yeh hain ,reader is topic ke different keywords se jab bhi search karta hain, aapka hi post google ke 1st page par dikhe woh bhi Top par. Itni mehant karke post likhe, ki aapke competitor agar is topic par post likhe to uske paas kuch naya na ho. Aur present matlab itni shandaar tariqe se likhe, point wise easy explain kare. Isse hoga yeh aapki website pe retention time badhe aur user experince badhe.

Saransh:

Jaise maine aapko bataya ek niche website main kya kya cheez jaruri hain. Agar aap upar diye gaye sabhi points ko follow karte hai. Aur aapke topic ya niche ko select karte hain, jisme aapki expertise hoti hain, aur uspe kaam karte hai. Aap ko google se accha traffic bhi milega aur agar aap affiliate marketing karte hain, to aap waha se bhi acchi income kar sakte hain. Koi bhi cheez ek din main develop nahi hoti, koi bhi field main safal hone ke liye aapko interest aur mehnat karni padti hai, kyuki jamana competition ka hain, aur aagey awaal number pane ke liye aapko apna best dena hoga. Jai Hind

Manish is the owner of this blog. He is holding a good experience in professional blogging & Digital Marketing. Being a Marketing, Tech and Social media junkie, he shares useful information about digital marketing, Seo Tips, Technology for the readers in Hindi & English language on this website. Thanks For Reading & Subscribing his blog - " https://techtipsmanish.com "

LEAVE A REPLY

Please enter your comment!
Please enter your name here