Kon Hai World Ka Best Batsman: Dosto baat nikli hai cricket ki to door tak jayegi. Har ek hindustani cricket ke khel se bahot pyar karta hai. Aur Bharat desh mai to ek se ek cricketer paida huye hai. Aur usme bhi gar hum baat karte hai to All time great batsman ki ek lambi list ban chuki hai.
Aur ji haa ek baat apko bata du Batsman to thik hai, ab Bhartiya bowlers ne world ke awaal batsman ke naak me dum kar rakha hai. Yeh aap aajkal dekh hi rahe honge.
To jaise ki blog ka topic hai, kon hai world ka best ballebaj. Iska hum is lekh ke jariye jawaab dene ki koshish karenge. Ho skta he aapki isey sehmati na ho, aap sirf isey time pass ke liye padh ke bhul jaiyega.
Agar mai apni baat karu to mai, sirf aaj ke generation ke ballebaj ko rating nahi dene wala hu. Isme aapko purane jamane se leke naye jamane ke sabhi ballebaj ki list dekhne ko milegi.
Kyuki aap bhi jante hai, koi ek hi ballebaj ne cricket jagat mai raj kiya ho aisa nahi hai. Cricket ke itihas se leke vartman me bahot sare ballebaj hai, jinhone apni ballebaji ka loha manwaya hai. Phir chahe woh bade records bana kar kiya ho ya apni batting style se logo ko apna chahak banaya ho.
To jyada time gawaye, chaliye list main dekhte hai, kon kon se ballebaj great batsman ki list main shamil hai:
#1 Sachin Tendulkar
Isme ek percent bhi kisi ko doubt nahi hona chahiye, Sachin Tendulkar list main pratham kramank me rakhe gaye hai. Sachin Tendulkar ne apne naam kayi records banaye hai. Lekin unki sabse acchi baat hain, ek acche sarvashrestha khiladi hi nahi balki woh ek bahot acche insan hai. Humne cricket jagat mai, bahot sare bestballebajo ki controversy suni hai.
Magar jab Mahan Ballebaj Sachin Tendulkar ki baat aati hai, to unka naam apko kabhi sunne ko nahi milega. Agar aap crikcet ke deewane hai, aur Sachin Tendulkar ke fan nahi he, to aapka cricket dekhna vyarth hai. Yeh meri niji ray hai. Sachin Tendulkar ko main deta hu number one. Aur chahe future mai kitne ballebaj aaye jo shayad unka record tod de. Lekin Sachin Tendulkar Sir hamesha no one par rahenge.
To be Continued….
