Hindi Blogging Se 5000 Dollar Mahina Kaise Kamaye?

Aaj ka topic hai ” Hindi Blogging se 5000 dollar mahina kaise kamaye ?” Namaskaar dosto, kaise ho aap sab log, main aapka dost Manish, ek baar phir aapko kuch aisa batane aaya hu jisko padhke aapko gyan ke saath paisa kamane ka bhi motivation milega.

Blogging ki duniya ki baat kare to kuch gine chune blogger hai, jo accha paisa kama rahe hai. Aur usme bhi agar woh Hindi main blogging kar rahe to uski matra aur bhi kam hai. To kya aap nahi chahte, in blogger ki list ko join karna.

Dosto, ek baat yaad rakhlo is post ko padhne se pehle, aapko Bheesm Pratigya leni hogi atoot mehnat krne ki, aur smart mehnat krne ki, agar aap sahi main dher sara paisa kamana chahte hai. To chaliye aapko aaj bataunga kaise aap Hindi Blogging se 5000 dollar mahina kaise kamaye?.

Smart Blogger Bane:

Ji haan dosto, agar aapne bloggin ki field mai abhi abhi kadam rakha hi hai ya phir aise blogger jinko 2-3 saal ho gaye hindi blogging karte huye lekin blogging se income bahot kam ho rhi hai, apko pehle thoda smart banne ki sakht jarurat hai. Iska matlab yeh nahi aap sherlock Holmes jitne smart ho jaye.

Bas itna ki Blogging ka basic samjh sake. Sabse pehle yeh samjhe aap blogging kyu kar rhe hai. Sirf paisa kamane ke liye ya khud ke blog ko brand banane ke liye ya phir logo ki help krne ke liye.

Sach kehta hu dosto, agar aap logo ki help krne ke liye blogging kar rhe he to aapko brand banne se koi nahi rok skta. Aur ek baar aap brand ban gaye to phir aapko Paisa kamane se bhi koi nahi rok payega.

Repeat Always-“First Impression Is The Last Impression”:

Ji dosto, yeh kahawat English main hai, aur iska matlab hota hai, agar aapki pehli chavi sahi rhi to log aapke bare me accha sochenge.

Waise hi Google ki najron main, agar aapne apna pehla blog acche se setup krke research krke likha hai, to apke blog ki impression jabardast padegi.

Aur jab bhi aap blog likh rhe ho to aapko yeh kahawat yaad rakhni hogi, ki aapki likhi hui post kitne logo ke kaam aa rhi hai aur kitne log padke dobara aapke blog par aa rhe hai.

Kyuki blog ke jariye jo bhi information aap dena chah rahe hai, woh bilkul sahi to honi hi chahiye, saath saath usme reader ko apne prashn ka uttar bhi mil jaana chahiye. Aur jab reader khush rahega to Google automatically aapki website se khush ho jayega.

Also Read: Internet Se Paise Kamane Ke Tariqe

Answer The Unanswered:

Smart blogging krne ka yeh ek bahot uttam tariqa he ki aap woh answer dhund kar apne blog reader tak rakhe, jiska answer abhi tak koi nahi de paya hai, aur answer bilkul perfect hona chahiye.

Aise questions ko dhundne aapko honge, aise questions ki list banaye sabse pehle aur uska answer itni saral bhasha mai de, ki reader aapka fan ho jaye aur aapki har ek post ka intejar kare.

Google mai log apni problem ka solution to dhundte hi rehte hai, bas apko krna yeh hai, Quora aur Question Hub jaisi websites main, jake aise unanswered questions ka jawaab dena hai.

Give Answers to Relevant Comments:

Agar aapke post padhne ke baad kisi bhi reader ke man me kuch sawaal uth rha hai, to aap farz hai, uska uttar dena, jitna jyada aap apne website reader ya subscriber se interact karte chale jayenge, aapko unka mind set samjh aane lagega aur aapki next post aur behtar hoti chali jayegi.

Aur dhire dhire aapki website ka trust google mai build hone lagega aur Google khud aapke post ko promote karega aur adSense ya Affiliate use krke aap acchi khasi income kar payenge.

Conclusion:

Yaha maine aapko 4 points bataye hai, lekin kahi 5000 dollar ki baat nahi ki, to dosto, aapko batadu, sirf 5000 dollars nahi, aap 10,000 dollars bhi kama lenge, lekin aapko follow karna hoga mere bataye huye yeh sirf char tariqe, yeh 4 points aapki zindagi change kardenge. Lekin iske liye 50-100 blogs likne se kuch nahi hoga.

Aapko 1000 se 2000 blog likhne honge, jisme aap reader ko complete solution de rhe hai, dhire dhire aapki income badhti chali jayegi, sirf Patience rakhna hoga aur apna kaam karte chale jaana hoga.

Aap shuru kijiye aur lage rahiye, dhundne se to bhagwan bhi mil jate hai to phir yeh to sirf kuch 5000 se 10000 dollars ki baat hai, jarur aap isey hasil karenge.

Main asha karta hu aapko Hindi Blogging Se 5000 Dollar Mahina Kaise Kamaye? ka answer (jawab) mil gaya hoga. Jai Hind.