Website Traffic har ek website owner ka problem hain , Website ready ho chuki hain , 100-150 posts likh chuke ho , content bhi shaandaar hain phir bhi website par traffic nahi aa rha.To kya kare?
Dosto aapko samajhna hoga traffic aakhir kya hain, jisko aap traffic bol rhe ho woh zinda log hain jo apni problems Internet pe search kr rhe hain ,aur 80% chance rehta hain google ke 1st page par unki problem solve ho jaye ya phir jo information unhe chahiye thi acche se mil jaye
Again sidha sidha matlab hain aap kisi topic ko choose kr lete hain aur uspe bahot acchi post likh dete hain , lekin kya aapne kabhi cheque kiya likhne se pehle ki already us topic par pehle se 50-60 post log likh chuke hain aur waha complete solution unhe mil rha hain.
To chaliye bina koi time waste kiye huye aaj aapko yeh raaz bata hi deta hoo Website Traffic kaise badhaye easily in step by step.
TechTips To Increase Traffic on Website
Most Importantly ek baat apko logic deke samajhni hogi Google aakhir aapki website par traffic aakhir kyu bhejega ,Google kisi ka rishtedaar nahi hain , google biased bhi nahi hain , to hum sabse pehle yeh baat samajhle ki google sabke liye ek jaisa hain.
#1 Niche Select Karna For Website Traffic
Aap Soch rahe hoge yeh kya hua niche ya category select krne ka matlab, dosto sabse pehla aur most important step hain niche select karna , aap category select kijiye ki aap kis topic par website ko build karna chahte hain
2# Domain Select Karna For Website Traffic
Attention dijiyega , jo topic , niche ya category aap select kar rhe ho ,Usi name se domain purchase kijiye , jaise example ke liye meri website ke domain ko le lijiye “www.techtipsmanish.com” isme 2 words Tech & Tips aatein hain, jo mere niche se maine select kiye hain.Domain ka bahot important role hota hain website par traffic generate krne ke liye
#3 Website Ki Hosting (Server) For Website Traffic
Besides Niche and Domain Selection , aapko decide karna hoga aap website ko kon se Server par host karna chahte ho agar aap google blogger use nahi krna chahte ho to ,yeh ek bahot important step hain again kyuki aapke server ki speed and space decide krti hain aapki website zyada traffic handle kar payegi bhi ya nahi
#4 Website Ki Theme For Website Traffic
Again humne sabkuch sahi select kr liya hain , lekin agar hum Website ki theme galat select kr lete hain to sabkuch accha hone par bhi banta dhar ho jaata hain. Jaise aapne aisi theme select kr li hain jo loading time bahot zyada leti ho to again Website Traffic jo aana chahiye tha nahi ayega
#5 Website Ki Posts For Website Traffic
Website ki basic cheeze aapne complete kar lee hain lekin jab post likhneki baari hain to aap likh rahe ho Motor Cycle par jabki aapki Category hain ” Mobile Phone” yeh ek aapko maine udharan diya hain , baat ki gehrai ko samjhiye . Bahot mayne rakhta hain aapko apne topic ko pakad ke hi post likhna hoga.
#6 On Page Seo For Website Traffic
On Page Seo se aapki website ki page Authority badhti hain , yeh ek aisa factor hain jisko aapko dhire dhire blogging ya website growth ke liye sikhna bahot jaruri hain website traffic badhane ke liye. Agar aapko On page Seo ki jankari chahiye to yeh post padhe : Here
#7 Offsite Seo For Website Traffic
After On page Seo Website traffic ko increase krne ke liye aapko offsite bhi sikhna padega jiske bahot saare maap dand hain, jo maine is post main bahot detail main bataya hain , jisko padhne ke baad aap Seo main 40% Seo tips sikh jayenge , isko aap yaha padh sakte haim : Here
#8 Keyword Research For Website Traffic
Yeh step most important hain , yeh aapko website par content dalne se pehle jo bhi topic select kiya ho ,uske related keywords aapko Google main aur rest of the tools main analysis krna hain. Jo bhi topic pe post likhne jaa rhe ho uske related keywords kitne aur log use kr chuke hain , keyword ka competition kitna hain , keyword single tail hain ya Long-tail keyword hain, Keword ka cost per click aur keyword ki saari information nikal lena hain jaise Sherlock Holmes Baariki se kaam krta hain vaise aapko Keyword ke liye karna hain
#9 Title Optimisation or Selection For Website Traffic
Aapko dhyan rakhna hain aapko same Title Use Nahi karna hain jo pehle use kiya jaa chuka hain , because agar aap website field main naye hain to same title pe aapki post jaldi rank nahi kr payegi , uske bahot sare reasons hain , aapki website ki Domain Authority , Page Authority, Backlinks, Domain Age , yeh cheeze aisi hain jaise jaise aap kaam apni website par kaam krte jaate ho yeh badhti jaati hain.
Title main Long tail Keywords Use kijiye shuruvat main aur unhe rank kariye , kyuki aap bhi jante hain Google ki nazar main aapki website ki value tabhi badhegi jab aap regular base pe accha content post kroge apni website ke upar.
#10 Regular Content On Website For traffic
Ek word Yaad rakhlo apne jeevan main yeh bahot kaam ayega ” Consitency OR Nirantata” isko aap apni life main le aaye phir chahe koi bhi field kyu na ho aapko koi Mai ka Laal nahi rok skta successful hone se.
Website ka bhi kucch aisa hi hain, accha content likhiye jo kisi na kisi roop se logo ki help krta ho aur usey likhte rahiye naye naye topics par , most importantly detail main likhiye jisse jo padh rha hain jab woh website pe aaye to padhta hi chala jaaye aur aapki next post ka intezaar kare.
#11 Interlinking Of Posts For Website Traffic
Yeh technique bahot se bloggers aapko batayenge lekin jo main bata rha hu yeh ek zabardast technique hain ,to bahot dhyan dijiyega
Assume kijiye aapki ek post viral ho chuki hain , jispe daily ke aapko 400-500 views aa rhe hain .
Interlinking Formula
ab aapko kya krna hain , apki aisi dusri post jo thodi kam viral hain jisme daily website traffic 100 ka aa rha hain , usko interlink kr dijiye apki sabse viral post ke ander, aur 100 vaali ke ander kar dijiye 50 wali ko .
Isse hoga kya log aapki ek ke baad ek post padhte jayenge aur aapki saari posts ko acche views milenge aur Google ke alogorithm ke hissab se aapki Website ki overall authority badh jayegi , kyu google oschega is website par maximum content mere grahak ke liye useful hain
#12 Image Selection For Website Traffic
Image hamein aisi use karni hain jo bhi koi dekhe usko post ko padhne ki utsukta jage ssath hi saath usko aapke posts ka ek behtarin teaser mil jaaye, matlab aapko bhi pata hi jo accha dikhta hain woh bikta hain. yeh logo ke taste ki baat hain , agar main unke samne Mercedes aur Maruti rakh dunga aur choice dunga free main koi bhi ek ghar lejaane ki to log Mercedes hi le jayenge na bhai logo.
Image Selection
Ab image to acchi select karli aapne lekin woh kiske baarein main yeh Google Devta ko bhi to batana jaruri hain text form main yeh image yeh darshati hain aur iska message yeh hain.
Sidha sidha hain koi image Section main bhi aapke topic related keyword selct krega to aapki image 1st dikhayi jayegi aur uspe click krke reader aapki post pe surakshit land kar jayega.
#13 Social Media Platform Ka Use kare For Website Traffic
Social Media bilkul free hain aur ” Gande” se mera matlab tha Bharpoor , unlimited use kare sahi tariqe se . Dekho yaar aapko bhi pata hain aapki website ko banaye huye 4 din huye hain aur balti bhar bhar ke traffic to ayega nahi , to hamein Social media jaise , Facebook, Twitter, Pinterest, Stumble Upon, Tumblr, Reddit, Quora, Instagram jaise platform main apna jaal bicha dena hain.
Sabse pehle aap sabhi main account create kar lijiye jo ek baar ki mehnat hain aur jo bhi likh rhe ho sabka link in platforms par dalte jaiye .
Facebook Group Posting Method
Facebook Group join kr lijiye aapke topic related aur spamming kiye bina posting krte rahiye. Yaad rahe ganda wala use aap tabhi kr payenge jab aap decent tariqe se post karenge. Ek baar group owner ko aap par viswas ho gaya to woh aapko regular post krne dega
Ek Social Media Pe Dhaba Bole Ya Attack Kare Strategy Banake
Yeh step bahot Important hain dosto kyu ki aapne account to sabmain bana diya hain , lekin aapko 1 by 1 har ek platform ko grow karna hain. Apko bhi pata hain koi bhi jung ek din main jeeti jaati. To jo bhi aapko lagta hain usey pakad lijiye aur us platform par work kijiye savdhani purvak aur jab waha aapke member padh jayenge aapki acchi posts aur content ki wajah se aapki website ka traffic bhi din duni raat chogni style se growth karega
#14 Copy Paste Ko Alvida Kaho Website Traffic Increase Karo
Google hamesha Copy paste websites ke khilaaf sakht action leta hain , hamesha yaad rkho jo aata hain jitna aata hain , acche se khudka likho , kabhi bhi kahi se bhi articles ki chori krke contnent publish mat karo , kyuki chori ka kaam saitan ka , hamein week main sirf 2 post likhni hain lekin aisi likhni hain ki padhne wala bole uthe ” Dil Maange More” naaki “Yeh to hain Chor’ . Original ki is dunia main bahot izzat hoti aayi hain , hot hain aur hoti rahegi . Isliye kaam original hi krna hain kabhi kisi ka utha ke dalne ki aadat he tousey abhi se chor do aur phir dekho kaise website ka traffic chamatkarik tariqe se badhega
Final Words – Conclusion
Website par traffic laana muskil bhi hain aur aasan bhi hain, further mayne rakhta hain aapka nazariya aur aapki mehnat karne ka junoon jo equally important hain,ab sabkuch to maine aapko bata diya hain jise website ka traffic aasman ko chu jayega , bas lage rhiye aur haar mat maniye , kyuki ek din ayega jab aapki website pe itna traffic ayega ki aap sambhal nahi paoge us din aake meri si post ke niche aake thanks likhna mat bhulna yaaro…
